პარიზის მოდის კვირეული

      Louis Vuitton-ის შემოდგომა პარიზის მოდის კვირეულიდან

   პარიზის მოდის კვირეულზე დიზაინერმა Marc Jacobs-მა წარმოადგინა Louis Vuitton-ის 2012 წლის საშემოდგომო კოლექცია. ჩვენება პირველ რიგში იმით გამოირჩეოდა, რომ თემატიკა იყო რკინიგზა, კერძოდ – მატარებლისკენ მიმავალი ქალბატონები, რომლებსაც უკან მოჰყვებოდატ პორტიეები ძვირადღირებული ჩანთებითა და ბარგით. გარდა ამისა იყო მეოცე საუკუნის განწყობა, კლასიკური სილუეტები, გრძელი კაბები, დიდი ქუდები, ფერთა ფართო გამო და რაც მთავარია   Louis Vuitton-ისთვის დამახასიათებელი გლამური. 

                 

    

     Valentino-ს შემოდგომა 2012 პარიზის მოდის კვირეულიდან 

ვალენტინომ მდიდრული ქსოვილებით, ახალი, ორიგინალური იდეებით
თანამედროვე მაგრამ საოცრად ელეგანტური ქალი წარმოგვიდგინა. სხვადასხვა
სამოსის გეომეტრიული, ოქროსფერი შტრიხები სძენდა მას ელეგანტურობას,
სტილი, სიგრძე თუ ფერი კი თანამედროვეს ხდიდა. აქტუალური აქ ძირითადად
კრემისფერია. ასევე გარდამავალი ფერებიც სჭარბობს გრძელ კომბინიზონებსა
თუ კაბებში. დიზაინერმა მთლიანად თეთრი ტონალობებიც არ დაივიწყა და 
მის კოლექციაში ეს თითქმის ყოველი სეზონის მოდური ტრენდი შემოგვთავაზა.



 

   

   

Chanel-ის შემოდგომა 2012 პარიზის მოდის კვირეულიდან

  

შანელის კოლექცია როგორც ყოველთვის დახვეწილი, მკაცრი და ელეგანტური
გახლდათ. მუქი ფერები ამ ყველაფერს უფრო და უფრო მკაცრ იერს აძლევდა.
კოლექციაში ხშირად შეხვდებით ბერეტ ქუდებს, გრძელ, თხელ ხელთათმანებს,
მბზინავ ელემენტებსა, სხვადასხვა პრინტებს, ნაქსოვ კაბებსა და კოსტიუმებს.



 

Kenzo-ს შემოდგომა 2012 პარიზის მოდის კვირეულიდან

  

   კენზოს 2012 წლის საშემოდგომო კოლექციის ჩვენებისთვის პარიზის მოდის კვირეულზე შეირჩა საკმაოდ უცნაური ადგილი – ერთ-ერთი უნივერსიტეტის შენობა, რომლის ესკალატორის საშუალებითაც ხვდებოდნენ მოდელები სპეციალურად მოწყობილ პოდიუმზე.  დიზაინერების Humberto Leon-ისა და  Carol Lim-ის ამ გადაწყვეტილებამ შოუ ძალიან კრეატიული გახადა და დამსწრე საზოგადოებაც კმაყოფილი დარჩა. რაც შეეხება კოლექციას, იგრძნობოდა აზიური ზეგავლენა, რომელიც მორგებული იყო 21-ე საუკუნეზე. გამოყენებული იყო სხვადასხვა ფერადი პრინტები, ზოლიანი ქსოვილები, აქცენტი კეთდებოდა წელზე ქამრის საშუალებით.  

                                  

 

John Galliano-ს შემოდგომა 2012

პარიზის მოდის კვირეულზე შედგა John Galliano-ს 2012  წლის საშემოდგომო კოლექციის ჩვენება, რომელზეც უკვე მეორე სეზონია ბილ გეიტენი ჯონ გალიანოს გარეშე მუშაობს. მისი თქმით, მიუხედავად იმისა, რომ კოლექცია ჩაფიქრებული იყო, როგორც ცხენოსნის სტილის მოდელები,  საბოლოოდ სულ სხვა რამ მიიღო. კოლექცია ძირითადად გადაწყვეტილი იყო შავ, ლურჯ, წითელ და სერ ფერებში. ყურადღებას იქცევდა აქსესუარები – სექსუალური მაღალ ყელიანი წინდებები, ტყავის ხელთათმანები და ბუბულებით გაფორმებული დიდი ქუდები.

  

 

  

  

Hermès-ის შემოდგომა 2012 პარიზის მოდის კვირეულიდან

  

უკვე მესამე საზონია, რაც დიაზინერი Christophe Lemaire მოკრძალებულ და უბრალო ტანსაცმელს Hermès-ისთვის დამახაიათებელ დახვეწილ და ე.გ. „Luxury” კოლექციად აქცევს. ამჯერად დიზაინერმა პარიზის მოდის კვირეულზე წარადგინა 2012 წლის საშემოდგომო კოლექცია, რომელიც შთაგონებული იყო სამხრეთ ამერიკული სტილით. მოდელებს ეტყობოდა მამაკაცური სტილი, განსაკუთრებით პალტოებისა და პიჯაკების შემთხვევაში. კოლექციისთვის დამახასიათებელი იყო მუქი ფერები, მაგრამ ჩვენება დიზაინერმა დაასრულა ფერადი პრინტების გამოყენებით.

  

    

Akris-ის შემოდგომა 2012 პარიზის მოდის კვირეულიდან

   

    პარიზის მოდის კვირეულზე 2012 წლის საშემოდგომო კოლექციის პრეზენტაცია გააკეთა Akris-მა. მისი კრეატიული დირექტორის   Albert Kriemler-ის შთაგონების წყაროდ იქცა ამერიკელი ეხსპრესიონისტი მხატვრის  Franz Kline-ის ერთ-ერთი ნამუშევარი -  „Painting No. 7“.  ის ინსპირირებული იყო არა მარტო გეომეტრიული პრინტით, არამედ  იმ გრაფიკული ფერებითაც, რომელიც ამ ნახატში იყო. კოლექციაში დომინირება განიერი შარვლები და გრძელი საღამოს კაბები. დიზაინერმა გამოიყენა მეტი გლამურისთვის მინიმალური რაოდენობით ტყავი და მბზინვარე დეტალები.

   

   

     Yves Saint Laurent-ის შემოდგომა 2012 პარიზის მოდის კვირეულიდან

  Stefano Pilati-მ პარიზის მოდის კვირეულზე აჩვენა თავისი ბოლო კოლექცია Yves Saint Laurent-სთვის. 1 კვირის წინ გამოაცხადეს, რომ დიზაინერი დატოვებს მოდის სახლს, რომლის დიზაინერიც ის 2004 წლიდან იყო. ჯერჯერობით უცნობია, თუ ვინ ჩაანაცვლებს მას.  2012 წლის საშემოდგომო კოლექციისთვის Stefano Pilati-მ აირჩია მუქი ფერები, გამოიყენა ძირითადად ტყავი და აქცენტები კეთდებოდა მეტალის დეტალებზე. მან ჩვენებაზე გვანახა ძლიერი და მკაცრი სტილის ქალი. 

  

  

   Stella McCartney-ის შემოდგომა 2012 პარიზის მოდის კვირეულიდან

  

      პარიზის მოდის კვირეული უკვე დასასრულს უახლოვდება, მაგრამ ბრენდები, რომლებსაც ყველაზე მეტად ელიას, ბოლო დღეებში აკეთებენ პრეზენტაციებს. ამჯერად გთავაზობთ სტელა მაკარტნის 2012 წლის საშემოდგომო კოლექციას, რომლისთვისაც ლონდონის მოდის კვირეულზე წარმოდგენილი მისი კოლექციისგან სპორტული სტილი ახასიათებს. ეს გასაკვირი არც არის, რადგან სტელა მაკარტნი შექმნის უნიფორმებს მომავალი ოლიმპიური თამაშებისთვის. ამ კოლექციის დახმარებით, შეგვიძლია დაახლეობით წარმოვიდგინოთ, თუ რას უნდა ველოდეთ ოლიმპიურ თამაშებზე. 

   

    
 



                                Givenchy

სპილოსძვლისფერი და კრემისფერი ქსოვილები, ულამაზესი დეტალებით
გაფორმებული კაბები თეთრ ტონალობებში მართლაც მშვენიერი სანახავი
იყო. ეს კოლექცია "სისუფთავეს" წარადგენდაო ხუმრობით ამბობენ 
მოდის კრიტიკოსები. ამ კოლექციამ მართლაც უდიდესი მოწონება
დაიმსახურა. "მე ვეცადე მეპოვა სინათლე სიბნელეში" ამბობს დიზაინერი, 
"ეს არის რომანტიკული ოცნება" ასე ახასიათებს ის თავის კოლექციას. 
იმ ელემენტებს, რითაც სხვადასხვა სამოსი იყო გაფორმებული მეტად
აღფრთოვანებულად და ფანტაზიურად ახასიათებენ სხვადასხვა 
ადამიანები, მაგალითად კაბებზე არსებულ მძივებს ანგელოზის ცრემლებს
უწოდებენ, ხოლო ჩამოკიდებულ ჯაჭვებს ოქროს ჩანჩქერებს. თუმცა რატომაც
არა, ეს მართლაც ასე იყო, ყველაფერი ხომ მეცხრამეტე საუკუნის სურათებს
მოგვაგონებდა, სადაც სექსუალური, რომანტიული, მეოცნებე ქალი იყო აღწერილი!


 

                 Armani

შავი მატერია, აღმოსავლური და დასავლური სტილის ნაზავი, მინიმალისტური
და მაქსიმალისტური დეტალები სამოსში, იაპონური ყვავილების პრინტი და 
დახვეწილი, ტანზე მორგებული ტანსაცმელი - სწორედ ეს იყო კოლექციისთვის
დამახასიათებელი. სტილის ექსპერტები ჯორჯიო არმანზე ამბობენ, რომ მან
სილუეტზე იმუშავა და ეს მართლაც ასეა. კოლექციაში მკაცრი, თამამი ქალი
იყო ნაჩვენები. ფერებიდან კი შავი და ნაცრისფერი ტონალობები იგრძნობოდა.


 


 

            Giambattista Valli

კოლექცია თავდაპირველად ისეთმა სამოსმა გახსნა, სადაც შავ-თეთრი
ტონალობებ იყო აქტუალური. შემდეგ კი დიზაინერმა თანდათან 
შემოგვთავაზა ისეთი ფერები, როგორებიცაა ნარინჯისფერი და წითელი.
წარმოდგენილ ტენდენციებთან ერთად ამ კოლექციაში აქტუალურობას
არ კარგავს ლეოპარდის პრინტიც. აქცენტი კეთდება გაშლილ კაბებზეც.

   

                                              Christian Dior

დიორის პარიზის მოდის კვირეულზე წარდგენილი კოლექცია მოგეხსენებათ
ერთადერთი კოლექცია იყო რომელიც წარადგინეს ჯონ გალიანოს გარეშე
15 წლის მანძილზე. მიუხედავად ამისა გალიანოს გარეშეც კოლექციამ
კარგად ჩაიარა და დიდი მოწონებაც დაიმსახურა. ტრადიციულად აქ
გვხვდება გაშლილი, მუხლებამდე სიგრძის კაბები, ფერადი ტონალობები,
გეომეტრიული შტრიხები, ორიგინალური პრინტები და დეტალები.



 

   ინფორმაციის წყარო;http://lookbooks.ge/ralph-lauren-fall-2012/             http://angel.ge/index.php?newsid=79668