მილანის მოდის კვირეული

     Roberto Cavalli-ის შემოდგომა 2012 მილანის მოდის კვირეულიდან

  მილანის მოდის კვირეულის ბოლო დღეს რობერტო კავალიმ წარმოადგინა თავისი 2012 წლის საშემოდგომო კოლექცია. მისი შემოდგომის ხედვა მოიცავს მოკლე კაბებს ზურმუხტისფერ, ქლიავისფერ, ელექტრიკ ლურჯ და შინდისფერ ფერებში. კოლექციისთვის დამახასიათებელი იყო ასევე სხვადასხვა ცხოველების პრინტების, ბეწვისა და ტყავის კომბინაციები. თანდათანობით ჩვენებაში შემოვიდა გრძელი კაბები პალტოებთან ერთად. კავალის ფინალისთვის საუკეთესო ჰქონდა გადანახული – შოუ დახურა ნაომი ქემბელმა კავალის საოცარ კაბაში. 

    

]
    

      Giorgio Armani-ის შემოდგომა 2012 მილანის მოდის კვირეულიდან

  
    მილანის მოდის კვირეულის  ბოლო დღეს თავისი 2012 წლის საშემოდგომო კოლექცია  წარმოადგინა Giorgio Armani-მ. კოლექციაში ერთდროულად იყო მამაკაცური სტილი და ქალური ელეგანტურობა. კოლექცია ძირითადად მუქ ფერებში იყო გადაწყვეტილი და მას ახალისებდა ვარდისფერი და ნარინჯისფერი დეტალები, რომლებიც გამოყენებული იყო მოსასხამებში, პიჯაკებსა და საღამოს კაბებში.
      



 

Dolce & Gabbana-ს შემოდგომა 2012

   

  დომენიკო დოლჩემ და სტეფანო გაბანამ მილანის მოდის კვირეულის მეხუთე დღეს წარმოადგინეს თავიანთი საშემოდგომო კოლექცია, რომელიც ბაროკოს სტილში იყო გადაწყვეტილი და ჭარბობდა ოქროსფერი ნაქარგები. დიზაინერების შთაგონება იყო სიცილიური კულტურა და მთელი შოუ ეძღვნებოდა იტალიის სიყვარულს. 

   

    

     

Prada-ს შემოდგომა 2012 მილანის მოდის კვირეულიდან

   

          მილანის მოდის კვირეულზე პრადა იყო იმ ბრენდების სიაში, რომლიც ჩვენებასაც ყველაზე მეტად ელოდნენ. მისი 2012 წლის საშემოდგომო კოლექციისთვის დამახასიათებელი იყო სწორი კლასიკური შარვლებისა და სხვადასხვა პალტოებისა თუ მოსასხამების კომბინაციები. თავიდან ჩვენება გახსნეს მუქი ფერის, ძირითადად შავი ფერის სადა პალტოებმა, რომლებიც მორთული იყო სხვადასხვა სამკაულის დეტალებით. კოლექციას თანდათანობით მოემატა ფერი გეომეტრიული პრინტების სახით და პალიტრა შეიცვალა მუქი იასამნისფერისგან ნარინჯისფრამდე. 

   

           

    

Moschino-ს შემოდგომა 2012 მილანის მოდის კვირეულიდან

     

   Moschino-მ მილანის მოდის კვირეულზე თავის 2012 წლის საშემოდგომო კოლექციაში წარმოადგინა სამხედრო სტილის ქურთუკებზე დაფუძნებული მოდელები, რაც ამ სეზონის ერთ-ერთი ყველაზე აქტუალური ტენდენციაა. როგორც ყოველთვის Moschino-მ შეარჩია ფერების საუკეთესო პალიტრა – ყვითელი, ლურჯი, წითელი და ვარდისფერი. აქცენტი კეთდებოდა ასევე ოქროსფერ დეტალებზე, რომლების კოლექციას კიდევ უფრო ალამაზებდნენ. 

     

   

       

      

Alberta Ferretti-ის შემოდგომა 2012 მილანის მოდის კვირეულიდან

  

  

            მილანის მოდის კვირეულზე წარმოდგენილმა ალბერტა ფერეტის საშემოდგომო კოლექციამ განაგრძო ამ სეზონისთვის უკვე ძალიან დამახასიათებელი მუქი ფერის გამები. სხვა დიზაინერების მსგავსად მანაც ძირითად ფერად შავი აირჩია. კოლექციასში იგრძნობოდა დიზაინერის ჩვეული რომანტიზმი და ჰაეროვნება. ჩვენება დაასრულა თეთრმა საღამოს კაბამ, რომელიც კოლექციისთვის ერთგვარ ბალანსად იქცა. 

    

    

   

   

Blumarine-ის შემოდგომა 2012 მილანის მოდის კვირეულიდან

   

    

  2012 წლის შემოდგომის კოლექციის შოუ მილანის მოდის კვირეულზე Blumarine-მა გახსნა სექსუალური ფერადი ბეწვის ქურთუკებითა და პალტოებით, რომლემბსაც აქსესუარებად ჰქონდათ იმავე ქსოვილებით დამზადებული დიდი ჩანთები. ჩვენებას თანდათანობით ემატებოდა ვერცხლისფერი და ოქროსფერი მბზინვარე ქსოვილები და ლეოპარდის პრინტები, რომლებიც იყო ყველგან – შარვებზე, მაისურებზე, ქურთუკებზე, ქვედა ბოლოებზე და აქსესუარებზე. 

    

  

    

    
 

           

MaxMara-ს შემოდგომა 2012 მილანის მოდის კვირეულიდან

    

            MaxMara-ს საშემოდგომო კოლექიციაში, რომელიც წარმოდგენილ იქნა მილანის მოდის კვირეულზე, ძირითადი აქცენტი იყო სხვადასხვა ქურთუკებსა და სამხედრო სტილის პალტოებზე. გარდა იმისა,  რომ ამ სტილის პალტოებს უკკე საკმაოდ ხშირად ვხედავთ კოლექციებში, ასევე ხშირი ტენდენციაა, სხვადასხვა ფენებად ტანსაცმლის ჩაცმა და ეს არც MaxMara-ს შემთხვევაში იყო გამონაკლისი. MaxMara-ს ქალბატონი ეძებს დახვეწილს სტილსა და გლამურს ყველგან, კლასიკურ და სადა პულოვერებშიც კი.

       

            

               

Versus-ის შემოდგომა 2012 მილანის მოდის კვირეულიდან

              

       დონატელა ვერსაჩემ და კრისტოფერ კეინმა მილანის მოდის კვირეულზე წარადგინეს თავიანთი ერთობლივი ნამუშევარი – Versus-ის 2012 წლის საშემოდგომო კოლექცია. დონატელას თქმით Versus-ის გოგონა არის მეამბოხე, ბრაზიანი, თამამი და ამავე დროს თანამედროვე. კრისტოფერ კეინი ყოველთვის იყო ფერების ოსტატი და ეს მან ამ კოლექციითაც დაამტკიცა. მოდელების ხასიათთან ფერების პალიტრა საუკეთესოდ არის შერჩეული. კოლექციაში ჭარბობს ტყავის ქსოვილები და გრაფიკული გამოსახულებები.

         

                 


   ინფორმაციის წყარო;http://lookbooks.ge/ralph-lauren-fall-2012/